Në Ditën Ndërkombëtare të Pronësisë Intelektuale, Ministri i Kulturës, Kujtim Shala, ka thënë se e drejta e autorit dhe të drejtat tjera pronësore intelektuale janë mjet i zhvillimit kulturor, shkencor dhe ekonomik.

“Kosova ka krijuar një sistem të konsoliduar të pronësisë intelektuale, bazuar në konventat ndërkombëtare dhe në direktivat evropiane të fushës”, ka thënë Shala, duke deklaruar se vendi tashmë është i gatshëm për të aderuar në Organizatën e Pronësisë Intelektuale.

“Pronësia në vendin tonë është e mbrojtur më kushtetutë dhe ligj. Mbrojtja dhe zhvillimi i të drejtave është prioritet i qeverisë. Është i rëndësishëm bashkëpunimi efikas i të gjitha institucioneve. Pas hyrjes në fuqi të MSA bashkëpunimi do të jetë edhe më përmbajtjesor dhe efikas”, ka thënë Shala.

Në të gjithë botën sot shënohet Dita e Pronësisë Intelektuale, me aktivitete të ndryshme që kanë për qëllim promovimin e të drejtës së pronësisë intelektuale dhe mbrojtjen e kësaj pronësie./Insajderi.com

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur