Në Ditën Ndërkombëtare të të Pagjeturve, Fondi për të Drejtën Humanitare në Kosovë ka kërkuar nga Qeveria e Kosovës dhe Institucionet kompetente më shumë përkushtim në gjurmimin dhe gjetjen e mbetjeve mortore si dhe në identifikimin e mbetjeve mortore tashmë të gjetura.

Përmes një komunikate për media FDH, bënë thirrje që tema e personave të zhdukur të futet lartë në agjendën e bisedimeve në mes të Prishtinës dhe Beogradit në Bruksel.

“Meqenëse ka një deficit të informacioneve mbi lokacionet e varrezave masive apo individuale dhe gjatë vitit të kaluar ka pasur një ngecje të theksuar në gjetjen e varrezave, presioni politik mbetet si mundësi që mund të sjell progres në këtë drejtim”, thuhet në këtë komunikatë.

“Gjithashtu, palët në dialog duhet të përkushtohen dhe të marrin përgjegjësinë që ta adresojnë edhe përgjegjësinë penale për krimet e kryera gjatë luftës”.

Fondi për të drejtën humanitare në Kosovë apelon tek organet përgjegjëse “që të ndërmarrin veprime konkrete që të mundësohet identifikimi i këtyre mbetjeve mortore duke intensifikuar bashkëpunimin me shoqatat e familjarëve të viktimave të luftës”./Insajderi.com

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur