Bilall Sherifi nga Nisma për Kosovën ka treguar detaje të një takimi të përfaqësuesve të partive opozitare të mbajtur në shtëpinë e Haradinajt në Gllogjan, ku sipas tij, kishin eskaluar mospajtimet mes tyre.

Ky ishte edhe takimi i fundit në të cilin kishte marrë pjesë Sherifi, nga ku ishte ndarë i dëshpëruar me qasjen e Lëvizjes Vetëvendosje dhe Sekretarit Organizativ të kësaj partie, Dardan Molliqaj.

“Ata kishin menduar se ne po kërkojmë azil politik tek Vetëvendosje, sepse na nuk paskemi ditë të bëjmë politike kombëtare”, ka thënë Sherifi duke iu referuar qasjes së Vetëvendosjes në bisedat mes partive opozitare.

Sipas tij, Vetëvendosje gjatë tërë kohës është thirru në atë se janë partia më e madhe opozitare e bllokut dhe se kanë numrin më të madh të deputetëve e votave.

Sherifi ka treguar se Dardan Molliqaj, Sekretar i VV-së, i ka thënë atij se që nga Konferenca e Rambujesë “ju nuk keni punuar për interesa të Kosovës”.

“Bile, bile, më ka thënë që kemi punu për interesa të Serbisë,” ka thënë Sherifi në një intervistë për Radio Televizionin Dukagjinin.

Sipas Sherifit, më e keqja në këtë situatë ka qenë që as Visar Ymeri e as Albin Kurti nuk e kanë kundërshtuar Molliqajn./Insajderi.com

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur