Ish-lideri i Lëvizës Vetëvendosje, Albin Kurti, ishte i interesuar të kuptojë më shumë për çështjen e rivitalizimit të Urës së Ibrit dhe kufijve  administrativ, si dhe për situatën aktuale politike në qytetin e Mitrovicës.

Me këtë rast kryetari Bahtiri shpjegoi para deputeteve të VV-së, se sa i përket çështjes së kufijve administrativ midis Mitrovicës së jugut dhe veriut, do të respektohen kufijtë e përcaktuar me Pakon e Ahtisarit.

Kryetari Bahtiri e njoftoi Kurtin për zhvillimet aktuale në Mitrovicë, me theks të veçantë për rivitalizimin e Urës së Ibrit.

“Kompania për rivitalizimin e Urës së Ubrit është përzgjedhur për të filluar punët dhe presim që brenda afatit të paraparë të behët implementimi i marrëveshjes. Sipas marrëveshjes së vitit të kaluar  rivitalizimi i urës duhet të përfundoj në fund të qershorit dhe unë besoj se kjo marrëveshje do të respektohet plotësisht” tha kryetari Bahtiri, njofton Veriu.info.

Kurti me bashkëpunëtor i ofruan përkrahje kryetarit Bahtiri për të dy çështjet, duke potencuar se janë çështje më rëndësi jetike jo vetëm për Mitrovicën, por edhe për tërë Kosovën. /Insajderi.com

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur