Ministri në detyrë i Punëve të Jashtme  të  Republikës së Kosovës, Petrit Selimi është në ftuar në Berlin, në konferencën e Organizatës për Siguri dhe Bashkëpunim në Evropë.

Konferenca organizohet nga kryesuesi i OSBE-së, respektivisht ministri i Jashtëm gjerman, Frank-Ëalter Steinmeier, dhe ka për synim rritjen e rrjetëzimit të diplomacive evropiane me institucionet e tregtisë dhe të industrisë nga Ballkani Perëndimor dhe pjesa tjetër e kontinentit. Në konferencë do të marrin pjesë edhe ministri i Bujqësisë, Memli Krasniqi, përfaqësues të odave tregtare nga  Kosova dhe komuniteti i biznesit.

Ministri i Jashtëm në detyrë, Petrit Selimi, po ashtu do të ketë rastin të marrë pjesë në tryezën ministrore dhe pritjen e organizuar nga ministri gjerman Steinmeier.

Ndërkaq, diplomacia gjermane është duke përfituar nga presidenca e OSBE-së për të ndihmuar Republikën e Kosovës, në rritjen e interaksionit ndërmjet Kosovës dhe OSBE-së.

Kjo është hera e parë që Kosova merr pjesë në kapacitet  të plotë në një ngjarje në kuadër të Organizatës për Siguri dhe Bashkëpunim në Evropë.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur