Shefi i Zyrës serbe për Kosovën dhe nënkryetar i Partisë Përparimtare të Serbisë, Marko Gjuriq me nënkryetaren tjetër të kësaj partie, Maria Obradoviq janë takuar sot në Moskë me kryetarin e Këshillit Suprem të Partisë unike të Rusisë, Boris Grizlov, i cili ka theksuar se marrëdhëniet ndërmjet Rusisë e Serbisë janë testuar me kohë dhe se në to nuk mund të ndikojnë kurrë ndikimet e jashtme.

Gjuriq e ka njoftuar Grizloin me situatën në Kosovë, me rrjedhën e dialogut të Brukselit dhe me gjendjen e popullit serb në Kosovë, raporton Tanjug.

Ai ka thënë se Qeveria serbe ka filluar procesin e kthimit të personave të shpërngulur në Kosovë. Gjuriq ka folur edhe për ndërtimin e vendbanimit “Lugina e Diellit”, në veri të Kosovës, njofton televizioni publik i Kosovës.

Gjuriq e ka theksuar rëndësinë e ndihmës së Kishës Ortodokse ruse e cila ka shfaqur gatishmërinë e saj për të ndërtuar kishë në këtë vendbanim, raporton ky medium serb.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur