Me kthimin e Enver Hoxhajt në postin e ministrit të Jashtëm, janë kthyer edhe premtimet për njohje të reja. Pas një periudha prej një vjeçare pa njohje, Hoxhaj premtoi se brenda dy muajve njohjet do të vijnë.

Ai në një intervistë në InfoBox të RTV Dukagjinit tha se deri në shtator, presin që të vijnë dy njohje të reja për pavarësinë, njëra nga Afrika dhe tjetra nga Amerika Latine.

“Deri më tani kam arritur të komunikojë me 22 apo 23 shtete jo njohëse. Besoj që gjatë verës ose eventualisht gjatë muajit shtator këto dy njohje do të ndodhin. Këto njohje mund të vijnë nga Afrika dhe Amerika Latine”, tha Hoxhaj.

Ai foli edhe për planin e anëtarësimit në organizata ndërkombëtare, për të cilat tha se presin lajme të mira nga fundi i këtij viti.

Vendi i fundit që e njohu Kosovën është Antigua dhe Barbuda më 20 maj të vitit të kaluar./Insajderi.com

IN Promo Marketing

Furnizohu sot, dhuro shpresë nesër

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja