Ministria e Punëve të Jashtme, e ka cilësuar si veprim të ngutshëm “Notën e Protestës” për Kosovën të cilën e dërgoi të mërkurën Ministrisë së Jashtme dhe Integrimit Evropian e Malit të Zi.

Sipas MPJ-së, “reagimi nga ana e Ministrisë së Jashtme dhe Integrimit Evropian e Malit të Zi, ka qenë i ngutshëm dhe pa ndonjë arsye serioze për tu shqetësuar sa i përket raporteve tona të ndërsjella”.

Përmes një komunikate, ministria kosovare thekson se Kosova dhe Mali i Zi kanë raporte të shkëlqyeshme shtetërore dhe e siguron shtetin fqinj se Kosova do të vazhdojë ta kultivojë këtë marrëdhënie ndërshtetërore.

Ministria e Punëve të Jashtme dhe Integrimeve Evropiane e Malit të Zi të mërkurën i ka dërguar notë proteste Kosovës për vendosjen e flamurit të Shqipërisë dhe tabelës me mbishkrimet “Republika e Kosovës” dhe “Mirësevini”, nga deputetët e Lëvizjes Vetëvendosje në territorin e Malit të Zi. /Insajderi.com

IN Promo Marketing

Furnizohu sot, dhuro shpresë nesër

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja