Google ka refuzuar të fshij një aplikacion të qeverisë saudite e cila mund të përdoret nga burrat për të gjurmuar gratë e tyre dhe t’i ndaloj ato për të udhëtuar, shkruan Insajderi.
Absher është aplikacioni i cili i jep burrave të drejtën të ndalonin lejen e udhëtimit për gratë e tyre përmes një njoftimi të marr në telefon sa herë ato përdornin pasaportat e tyre.
Ky aplikacion do të vazhdoj të jetë në shitje pa marrë parasysh kritikat e shumta që morën kompania Apple dhe Google kur 14 anëtar të kongresit amerikan kërkuan që ato ta fshinin atë.
Ata i akuzuan kompanitë e mëdha për lejimin e një aplikacioni me diskriminim gjinor, duke i kritikuar në veçanti për shtypjen që po u bëhet grave saudite përmes këtij aplikacioni.
Mirëpo një hetim i bërë rreth këtij aplikacioni, , nuk e shkelte politikën e shërbimit të kompanisë Google.
Sipas ligjit të kufizues për kujdestari në Arabinë Saudite, një grua nuk mund të udhëtoj pa lejen e kujdestarit të saj mashkull, dhe të afërmit e saj meshkuj marrin fjalën përfundimtare rreth martesës së tyre.
Kritikët thonë se ky aplikacion shërben si jë armë praktike të ligjeve shtypëse dhe kufizuese duke ndaluar shumë aspekte në përditshmërine e çdo gruaje në këtë vend.
Absher e cila përkthehet si “ po, zotëri” ka qenë e shkarkuar më shumë se 1 milion herë, duke i lejuar qytetarët të kryejnë shumë detyra burokratike, si marrja e lejes se vozitjes pasi ka skaduar, gjetja e punës për gratë, gjë e cila është e kërkuar legalisht në Arabinë Saudite.
Por gjithashtu përfshinë edhe dërgimin e njoftimit nëse një grua shkon në një zonë të caktuar, duke e bërë kështu të pamundur që ajo të udhëtoj pa lejen e një mashkulli./Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
