Djegia e pikave doganore pas shpalljes së pavarësisë së vendit dhe mungesa e kontrollit në dy pikat doganore në veri, tash e 8 vite mundëson kontrabandën me derivate të naftës.

Dëmi financiar, të cilin po e shkakton kontrabanda në veri, i shkakton humbje të mëdha buxhetit të vendit, vlerësojnë zyrtarët shtetëror edhe ekspertët financiar.

Gazeta Zëri raporton se dallimi i çmimeve të derivateve të naftës në veri është shumë i lartë në krahasim me çmimin të cilin e paguajnë qytetarët në pjesët e tjera të Kosovës.

Kështu, një litër naftë në veri të Kosovës kushton nga rreth 72 cent, ndërkohë që çmimi i një litri në pjesët e tjera të Kosovës sillet rreth 90 cent.

Institucionet e Kosovës ende nuk kanë asnjë plan operacional se si duhet të veprohet për të parandaluar kontrabandën me naftë.

Sasitë e sekuestruara nga Polica dhe Dogana e Kosovës kryesisht janë të vogla.

Madje kontrabanduesit janë bërë aq të fuqishëm financiarisht saqë kanë asfaltuar edhe rrugë dytësore nga i futin edhe autobotet ilegalisht.

Çmimi  aq i ultë  po  i shtyn shumë qytetarë nga Rashka, Novi Pazari, Kraleva, Nishi, Kurshumlia, Prokupla që të  vijnë shumë shpesh dhe të  furnizohen me derivate të naftës në veri të Kosovës.

Edhe pse cilësia e këtyre derivateve lenë shumë për të dëshiruar.

Në Leposaviq, Leshak, Zubin Potok dhe në veri të Mitrovicës derivatet e naftës  vijnë ekskluzivisht nga rafineritë serbe dhe për faktin se tregtarët nuk paguajnë akcizën dhe as tatimet.

Vetëm në një kilometër rrugë janë të vendosura më tepër se 6 pika të karburanteve.

Zëdhënësi i Doganës së Kosovës, Adriatik Stavileci, konfirmoj se kontrabanda në këtë pjesë të Mitrovicës është vështirë të luftohet.

Këtë gjendje e shohin si shumë shqetësuese edhe ata të cilët merren me shitjen e derivateve edhe në pjesën tjetër të Kosovës.

Kryetari i Shoqatës së Naftëtarëve të Kosovës, Fadil Berjani, thotë se kjo ndikon direkt në cilësi. (Zëri)

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman