Lëvizja Vetëvendosje ka paralajmëruar se edhe nesër do të hedhë gaz lotsjellës në Kuvendin e Kosovës.
Nënkryetari i kësaj partie, Driton Caushi, ka thënë se Vetëvenodsje nuk sheh ndonjë arsye përndryshim të metodave protestuese.
“Nuk ka asnjë arsye që metodat tona te ndryshojnë. Opozita do të jetë nesër në parlament dhe kundërshtimet do të vazhdojnë,” ka thënë ai
Nesër pritet të jetë seanca e parë e Kuvendit të Kosovës pas zgjedhjes së Hashim Thacit si kryetar i Kosovës. Seanca në të cilën u bë votimi ishte ndërprerë disa herë meqë partitë opozitare hodhën gaz lotsjellës.
Kryesia e Kuvendit të Kosovës ka vendosur që nesër të trajtohen 18 pika në rendin e ditës, shumica prej të cilave janë shqyrtim i projtkligjeve./Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
