Kryeministri Isa Mustafa ka folur për akuzat që akademik Rexhep Qosja i bënë vazhdimisht qeverisë së tij dhe personalisht atij, duke i cilësuar si të parëndësishme.
“Qosja është shkrimtar i mirë dhe është një aset i rëndësishëm akademik por kritikat e tij në politikë janë të parëndësishme sepse nuk i kontribuojnë debatit publik”, ka thënë Mustafa në emisionin “Komitet”.
Sipas tij, akuzat e Qosjes nuk i përkasin një personaliteti akademik sikurse Qosja sepse janë të shkruara me një gjuhë që nuk i ndihmon politikës.
Qosja e kishte quajtur qeverinë e Mustafës edhe fashiste dhe se Mustafa me presidentin e zgjedhur Hashim Thaçin po i fyejnë të gjithë qytetarët me veprimet e tyre.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
