Disa orë pasi zyrtarët thanë se disa hidrantë zjarri të kontesë së Los Anxhelosit ishin tharë gjatë betejës kundër zjarreve shkatërruese, furnizimi me ujë është përmirësuar, tha komandanti i zjarrëfikësve ‘Palisades Fire’.

“Ishte një sfidë e hershme. Asnjë raportim brenda natës për ndonjë problem me presionin e ujit”, tha Jim Hudson i Departamentit të Pyjeve dhe Mbrojtjes nga Zjarri në Kaliforni për CNN’in.

“Ne kemi punuar rreth zbutjes së situatës dhe sistemi i ujit ka filluar të stabilizohet”.

Tre depozita magazinimi prej miliona gallonësh në zonën e Palisades që shërbejnë zjarrfikësit ishin mbushur në mënyrë proaktive përpara se të shpërthenin zjarret, por nuk ishin të mjaftueshme për të mbuluar “kërkesën ekstreme”, tha të mërkurën zëdhënësi i Departamentit të Zjarrfikësve të Los Anxhelosit, Erik Scott.

Rreth 20% e hidrantëve të përdorur për të luftuar zjarrin në Palisades u thanë të mërkurën.

Cisternat tani po plotësojnë furnizimin, tha Hudson.

Zjarrfikësit që po luftojnë me zjarrin e Palisades – i cili ka djegur më shumë se 17,000 hektarë – kanë punë më të lehtë pas zbutjes së erërave të forta, siç raporton CNN.

Zjarret kanë shkatërruar shtëpi dhe janë përshpejtuar nga erëra të forta. Këto kanë prekur edhe yjet e Hollywood-it. Foto të shpërndara tregojnë Ben Affleck duke drejtuar automjetin drejt shtëpisë së Jennifer, 52 vjeçe, duke e mbajtur dorën jashtë dritares së xhipit të tij të zi.

Jennifer, së bashku me fëmijët që ka me Ben – Violet, 19 vjeçe, Seraphina, 16 vjeçe, dhe Samuel, 12 vjeç – nuk kanë marrë ende urdhra evakuimi, por janë gati të lëvizin në çdo moment.

Fituesi i çmimit Oscar, i cili përfundoi divorcin nga gruaja e tij e dytë, Jennifer Lopez, më herët këtë muaj, është ndër shumë personazhe të famshme që janë detyruar të largohen për shkak të zjarreve që po përfshijnë këtë lagje të pasur të Los Angeles. /Insajderi.org/