Kryetari i Kuvendit të Kosovës, Glauk Konjufca ka kërkuar nga shefi i grupit parlamentar të PDK-së, Abelard Tahiri të kërkojë falje për gjuhën ofenduese të përdorur sot në Kuvend.
I menjëhershëm ka qenë reagimi i Tahirit i cili kërkoi falje duke u arsyetuar se ka qenë nën afekt të situatës.
“Nëse ka qenë ka qenë nën afekt, por në asnjë rrethanë kjo nuk është drejtuar tek asnjë deputet. Kushdo që mundet me u ndi i ofenduar, i kërkoj falje. Dhe gjithë atyre që na kanë shiku. Në asnjë rrethanë s’ka qenë me qëllim.”, ka thënë Tahiri përcjell Insajderi.
Tahiri u dëgjua duke thënë “hajde hajde ma shumë ma shumë, a robt jau q….”, derisa vazhdon ti bie tavolinës me gotë.
Tahiri siç duket ka harruar që kishte të ndezur mikrofonin.
Krejt kjo situatë u shkaktuar pas përplasjes me ministren e Drejtësisë, Albulena Haxhiu.