Shefi i Grupit Parlamentarë të AAK-së gjatë fjalimit të tij për vdekjen e Astrit Deharit, ka kërkuar një hetim ndërkombëtarë për këtë rast.

“Për këtë rast duhet të ftohet FBI për këtë rast sic është ftuar për rastin e Dino Asanaj, sepse vetëm ata dinë ta bëjnë këtë punë”, tha Lekaj.

Ndërsa Valdete Bajrami shefja e grupit parlamentar të NISMA-së, ka kërkuar dorëheqjen e Ministres së Drejtësisë së Dhurata Hoxha dhe atij të Punëve të Brendshme Skender Hyseni, lidhur me vdekjen e Deharit.

Ajo madje ka pasur edhe disa pyetje për ministrat e qeverisë, në lidhje me burgjet e Kosovës ka dashur të dijë cila është siguria që ofrojnë burgjet dhe cilat masa janë marrë për ata që nuk e kanë  kryer punën si duhet?

“Kjo çka ndodhi në Prizren mund të ndodh edhe në burgjet tjera kjo si pasojë e  kushteve të këqija në burgjet e Kosovës”, tha ajo.