Ambasadori i Britanisë së Madhe në Kosovë, Nicholas Abbott, ka deklaruar se është koha që Kosova të propozojë draft-statutin për Asociacionin e Komunave me shumicë serbe.
Abbott këto deklarime i bëri me anë të një postimi në ‘Twitter’, teksa tha se draft-statuti duhet të mbështetet në “kriteret e përcaktuara nga BE-ja”, shkruan Gazeta Insajderi.
“Pra, tani është koha që Kosova të propozojë zyrtarisht draft-statut për Asociacionin, duke u mbështetur në vizionin e vendosur nga Kryeministri javën e kaluar, në përputhje me kriteret e përcaktuara nga BE-ja”, thuhet ndër të tjera në postimin e tij.
Përfaqësuesi diplomatik i Britanisë së Madhe në Kosovë i bëri këto komente teksa paralajmëroi, siç tha ai, vizita të rëndësishme në Prishtinë, përfshirë edhe vizitën e diplomates britanike, Viktoria Billing.
Në Kosovë pritet të vijë edhe shefja e USAID-it, Samantha Power. Siç raportoi AP-ja, vizita e saj po shihet si “tentim për ulje tensionesh mes Kosovës dhe Serbisë”. /Insajderi.org/
So now is the time for Kosovo to propose formally a draft statute for an ASMM, building on the vision set out by the Prime Minister last week, in line with the criteria set out by the EU. 2/2
— Nicholas Abbott (@nickabbottfcdo) May 9, 2023