Lideri i BDI-së, Ali Ahmeti, deklaroi se Qeveria e re reformuese në Maqedoni do të formohet shumë shpejt dhe se kryetari i sapozgjedhur i kuvendit po bën pjesën e vet të obligimit për ta lehtësuar dhe përshpejtuar këtë proces.

Këto deklarime Ahmeti i bëri gjatë takimit më përfaqësuesin special të kryesuesit të OSBE-së, ambasador Kristian Strohal si dhe ambasadoren e OSBE-së në Maqedoni,  Nina Soumalainen.

“Kryetari i BDI-së foli për prioritet e qeverisë së re që janë reformat në gjyqësor, integrimi euroatlantik, marrëveshja e Ohrit, marrëdhënie të mira ndëretnike dhe ndërfqinjësore si dhe hapjen e vendeve të reja të punës”, thuhet mes tjerash në njoftimin e BDI-së, shkruan Alsat-M.

Ahmeti shprehu shqetësim për mundësinë e frymëzimit të telasheve në vend për interesa gjeopolitik dhe ftoi komunitetin ndërkombëtar që të përqendron vëmendjen në zhvillimet në vend dhe rajon.