Dy persona kanë mbetur të lënduar në Lipjan si pasojë e një aksidenti, që ka ndodhur sot në orët e pasdites.

Të njëjtëve u është ofruar trajtimi i nevojshëm mjekësor.

Rastin për Insajderin e ka konfirmuar zëdhënësi i policisë, Agron Borovci teksa shtoi se në aksident janë përfshirë një kamion e një veturë.

“Nga informatat e para bëhet e ditur se një veturë dhe një kamion janë përfshirë në aksident ndërkaq dy persona kanë pësuar lëndime trupore”, ka thënë ai.

Borovci u shpreh se njësia rajonale e trafikut ka dalë në vendin e ngjarjes dhe po ndërmerr veprimet e nevojshme për ndriçimin e shkaqeve që kanë sjellë deri te aksidenti.

/GazetaInsajderi