Një aksident përgjatë ditës së hënë ka ndodhur në Vushtrri mes tri veturave, ku dy persona kanë mbetur të lënduar.

Lidhur me këtë ka shkruar kandidatja për deputete nga radhët e LDK’së, Rrezarta Krasniqi, e cila ka fajësuar Qeverinë Kurti për mosfunksionalizim të semaforëve në komunën e Vushtrrisë.

LEXO EDHE:

“Aksidenti i sotëm në Vushtrri tregon qartë dështimin e Qeverisë Kurti, e cila s’është në gjendje të funksionalizojë as disa semaforë që janë të domosdoshëm për sigurinë e qytetarëve!“, ka thënë ajo.

“Lutemi për shëndetin dhe shërimin sa më të shpejtë të të aksidentuarve. Jeta e çdo qytetari është e shenjtë dhe duhet të jetë prioritet i çdo qeverie!

Prandaj ndryshimi është jetik, për ta shtuar sigurinë dhe për ta kthyer shpresën“.