Zyra e Prokurorit të Specializuar është duke vazhduar bastisjet tek shtëpia e ish-komandantit të UÇK-së, Sylejman Selimi, në lagjen “Qëndresa” në Veternik.
Bastisja ka filluar në orët e hershme të mëngjesit dhe është duke vazhduar ende, ku para shtëpisë së tij shihen një numër i madh i policisë së Kosovës.
Policia ka bllokuar rrugën në dy anët që të drejtojnë afër shtëpisë së Selimit.
Gjatë bastisjes, para shtëpisë së ish-komandantit ndodhen disa vetura të Policisë së Kosovës dhe disa të tjera civile që besohet se janë të Eulex-it.
Derisa po kryhen bastisjet është aksidentuar një veturë e Policisë së Kosovës e cila ishte duke qëndruar përballë shtëpisë.
Në vend të ngjarjes kanë dal njësitet e trafikut.
Foto nga vendi i ngjarjes: