Kryeprokurori i Prokurorisë Speciale, Blerim Isufaj, ka konfirmuar për Gazetën Insajderi se do të t’i ftojnë për intervistim, deputetin Haki Abazi dhe pas tij kryeministrin Albin Kurti lidhur me zhdukjen e mostrave të Astrit Deharit.

“Po, do t’i ftojmë për intervistë deputetin Haki Abazi për të dëshmuar lodhur me pretendimet e tij dhe pas tij kryeministrin Albin”, deklaroi ai.

Paralajmërim i frikshëm i Haki Abazit: Video-incizimet konfirmojnë se kush i ka zhdukur mostrat e rastit Dehari

Deputeti i Vetëvendosjes, Haki Abazi, ka thënë se shefi i partisë së tij, Albin Kurti, ka dhënë urdhër për ta shkarkuar atë në posti i kryetarit të Komisionit për Punë të Jashtme meqë “është duke kërkuar njerëz për shkarkimin e tij”.

Në një konferencë për media sot, Abazi ka folur në lidhje me paralajmërimin e tij për audio-incizime dhe video-incizime.

Ai tha se video incizimet janë ato që konfirmojnë se kush i ka zhdukur mostrat e Astrit Deharit nga IML-ja.

“Video incizimet janë ato që duhet ti kërkoni për të konfirmuar se kush ka zhdukur mostrat e rastit Dehari, Hulumtimi im i fundit, diskutimet me njerëz kanë sjell te shkarkimi dhe anatemimi brenda LVV-së, shkarkimi im është minor kundrejt borxhit që kemi ndaj rastit Dehari, si është e mundur që në pushtetin e LVV të zhduken mostrat dhe Kurti të mos e thotë asnjë fjalë të vetme”, ka thënë Abazi në konferencë për media, përcjellë Insajderi.

Ai gjithashtu ka thënë se në audio incizimet që ai posedon, konfirmojnë diskutimin mes Saradna Bogujevcit, Mimoza Kusarit dhe Dejona Mihalit për ngufatjen e zërit të deputetëve.

“Sigurisht në lajmërimin tim mbrëmë kam thëne qe do flasim për audio incizimet dhe video incizimet, janë dy aspekte, audio incizimet konfirmojnë diskutimit mes Saranda Bogujevcit, Mimoza Kusarit dhe Dejona Mihalit për ngulfaten e zërit te deputeteve brenda parlamentit, por ne as si shoqëri as si qytetare as si deputet s’mund te rrim te heshtur përball një procesi te tille”, tha Abazi sot.