Komediania e njohur amerikane, Kathy Griffin ka treguar se është diagnostikuar me kancer të mushkërive edhe përkundër asaj që nuk kishte qenë kurrë duhanpirëse.

Aktorja 60 vjeçare, këtë fakt e ka bërë të ditur përmes rrjeteve të saj sociale teksa ka potencuar se do t’i duhet që t’i nënshtrohet një operacioni për heqjen e një pjese të mushkërisë, pasi që mjekët janë shprehur optimist për një rezultat pozitiv.

“Unë kam kancer. Unë jam gati të hyj në operacion për të hequr gjysmën e mushkërisë sime të majtë. Po, kam kancer të mushkërive edhe pse nuk kam pirë kurrë duhan”, ka shkruar aktorja në fjalë.

Griffin ishte dy herë fituese e çmimeve Emmy, por ka qenë jashtë qendrës së vëmendjes që nga viti 2017, kur kishte humbur vendet e punës dhe sponsorizimet pasi kishte pozuar me një kokë të prerë të rreme që përshkruante Shtetet e Bashkuara të Amerikës, shkruan Reuters, transmeton kk.

Shërbimi Sekret kishte hapur një hetim për incidentin, por asnjë veprim ligjor nuk ishte iniciuar kundër komedianes.