Amber Heard ka njoftuar se muaj më parë është bërë nënë e një vajze, të cilën e ka pagëzuar me emrin Oonagh Paige.
Aktorja hollivudiane e ka konfirmuar lajmin përmes një postimi në profilin e saj në Instagram, në të cilën e ka shpërndarë edhe një fotografi të përbashkët me fëmijën.
“Jam shumë e gëzuar të ndaj këtë lajm me ju. Katër vite më parë, vendosa se doja të kisha një fëmijë. Doja ta bëja me kushtet e mia”.
“Një pjesë e imja dëshiron ta mbështetë faktin se jeta ime private nuk është punë e kurrkujt tjetër. Po ashtu, e di se natyra e punës sime më detyron të marr kontrollin për këtë gjë”.
“Vajza ime lindi më 8 prill 2021. Emri i saj është Oonagh Paige Heard. Ajo shënon fillimin e pjesës së mbetur të jetës sime”, ka shkruar mes tjerash Amber në postimin e saj në Instagram.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2024 Gazeta Online Insajderi - Të gjitha të drejtat e rezervuara.
