Fakulteti i Edukimit është një nga ato institucionet prej të cilave pritet që të ketë më së paku gabime gjuhësore në shkresat zyrtare.

Mirëpo, kështu nuk ka ndodhur në rezultatet e provimit pranues, të publikuara sot. Në këto dokumente zyrtarët e Fakultetit të Edukimit s’e kanë dalluar shumësin me njëjësin, kur kanë shkruar pozicionet e profesorëve në Komisionin pranues.

Në vend se të shkruajnë në njëjës “Kryetar i Komisionit”, ata e kanë shkruar në shumës “Kryetarë”.

Në vend se të shkruajnë “anëtar” ku është vendi për vetëm një anëtar, ata e kanë shkruar në shumës “anëtarë”, shkruan Gazeta Express.

Fakulteti i Edukimit ka publikuar sot rezultatet për në 13 raste për drejtimet e Edukimit që kanë aplikuar studentët. /Insajderi.com