Anonymous i ka bërë të zakonshme sulmet ndaj organizatave dhe njerëzve që nuk i mbështesin ata, madje më parë i pati deklaruar luftë ISIS-it, policisë “Thai”, dhe shumë organizatave të tjera.

Në videon e paraqitur nga vetë grupi i hakerëve, paraqet një njeri me maskën e zakonshme të Anonymous, i cili kërcënon kandidatin republikan që po garon për President të Amerikës.

“I dashur Donald Trump, ne kemi qenë duke të shikuar ty për një kohë të gjatë dhe ajo çfarë kemi parë është thellësisht shqetësuese”, thuhet në videon e publikuar në Youtube nga hakerët Anonymous.

Më pas videoja përmban një përzgjedhje e komenteve më të diskutueshme të Trump-it, duke përfshirë, komentet e tij kur thoshte se “meksikanët janë përdhunues” dhe sugjerimet e tij ndaj një gazetareje femër se asaj “po i del gjaku ngado”, në mënyrë poshtëruese.

Kërcënimi përfundon me një thirrje për hakerët e Anonymous për t’ia mbyllur faqet e internetit Donald Trumpit dhe të hulumtojnë e të ekspozojnë atë që ai nuk dëshiron që ta ndaj me publikun.

Kjo nuk është hera e parë që Anonymous ka sulmuar operacionet e Trumpit. Në dhjetor të vitit të kaluar grupi i hakerëve sulmoi faqen zyrtare të Trumpit si shenjë revolte ndaj komenteve anti-myslimane që kandidati republikan kishte bërë. /Insajderi.com

https://www.youtube.com/watch?v=Ciavyc6bE7A