Gjykata e Apelit e Kosovës e  ka kthyer në rigjykim lëndën ndaj të akuzuarve A.L. dhe N.B., të cilët muaj më parë, ishin gjetur fajtor nga Gjykata Themelore në Prishtinë, për veprën penale organizimi ose pjesëmarrja në grup terrorist dhe ishin dënuar me nga 3 vjet e 6 muaj burgim.

Kolegji penal gjeti se aktgjykimi shkalles se parë përmban shkelje esenciale të dispozitave të procedurës penale, “ngase nuk janë respektuar dispozitat procedurale për pranimin e fajësisë, ndërsa në pjesën arsyetuese,  nuk ka te dhëna për faktet vendimtare”, njofton Gjykata e Apelit përmes një komunikate për media./Insajderi.com