Gjykata e Apelit e Kosovës, e ka refuzuar si të pa bazuara ankesën e mbrojtësve të pesë të akuzuarve për terrorizëm, në rastin e njohur “Badovci”, pasi ishte konstatuar se pretendimet e avokatëve për vërtetimin e gabuar dhe jo të plotë të gjendjes faktike, janë të pa bazuara.

Sipas njoftimit të gjykatës, të pandehurve B.L.,G.H.,M.H.,E.L. dhe F.M, u vërtetohet dënimi i Gjykatës Themelore në Prishtinë, i datës 18 korrik. I akuzuari B.L, është dënuar me 13 vjet burgim, G.H. me 12, M.H. me 10 vjet e tre muaj, E.L. me 10, dhe F.M. me 4 vjet burim.

Në aktgjykim thuhet se katër nga të akuzuarit ishin gjetur fajtor se bashkërisht kanë kryer veprën penale: Përgatitje e veprave terroriste ose veprave kundër rendit kushtetues dhe sigurisë së Kosovës. Ndërsa njëri nga ta për, për ndihmë për kryerjen e veprës penale të terrorizimit.

“Po ashtu dy nga pjesëtarët e këtij grupi, janë shpallur fajtor edhe për veprën penale: Mbajtje në pronësi, kontrolle, ose posedim të pa autorizuar të armeve”, thuhet në komunikatë.