Kandidati i Lidhjes Demokratike të Kosovës për deputet, Arben Gashi i është kundërpërgjigjur liderit të Vetëvendosjes, Albin Kurti duke e quajtur “Mushkonjë pasi ai i quajti “miza”.

Gashi paralajmëron Kurtin se LDK do të rikthehet në qytetin e Pejës.

“Pikërisht në Pejë, ku kundërshtarët që sot kanë përmendur LDK-në, janë thjesht mushkonja”, ka shkruar mes tjerash ai.

Postimi i plotë:

Ne, në Pejë, jemi pasardhësit e kryengritësve politikë e ushtarakë kundër Jugosllavisë, luftëtarëve të lirisë, përfaqësuesve të Rugovës dhe rugovizmit. Rrëzë Rugovës, në vendin e fitoreve të palëkundura të LDK-së, çirrjet paskan vazhduar.

Pikërisht në Pejë, ku kundërshtarët që sot kanë përmendur LDK-në, janë thjesht mushkonja. Peja e fitoreve të mëdha edhe më 9 shkurt do t’u tregojë vendin.

LDK-në nuk ka mundur ta zhdukë apo ta vrasë as regjimi i Millosheviqit, sepse LDK ka lindur si frymëzim për popullin, të cilit i ka shërbyer me nder dhe besnikëri historikisht.

S’ka britmë që ndalon rikthimin e LDK-së.

9 shkurti do ta dëshmojë.

Bëhu ndryshimi.