Kandidati i Vetëvendosjes për Prishtinën, Arben Vitia duket se nuk është i mirë me gjeografinë e Kosovës.

Vitia në një vizitë që ka bërë në disa fshatra të Gollakut ka menduar që është duke qëndruar në Llap, shkruan Gazeta Insajderi.

Këtë e ka konfirmuar edhe vet ai në profilin e tij në facebook ku ka postuar se ishte në një vizitë në Llap ndërkohë përmend fshatrat që janë pjesë e Gollakut.

Ai përmend fshatrat Tenezhdoll, Vranidoll, Progovc, Barilevë e  Bardhosh dhe thotë qe ka qëndruar në Llap.

Në këtë postim, Vitia ka marrë komente negative nga qytetarët të cilët janë ndjerë të ofenduar nga ky postim.

Postimi i plotë:

Duke qëndruar në Llap kuptuam se qytetarët e këtij vendi kanë vullnet të ndryshojnë. Mbi këtë vullnet na janë bashkuar ne. Faleminderit nga zemra Tenezhdoll, Vranidoll, Progovc, Barilevë e  Bardhosh.

Jemi bashkë në kërkesat tuaja. Ndriçimi publik, trotuaret, ndërtimi i shkollave, çerdhet, qentë endacakë, hapësirat sportive,  pikat e grumbullimit të produkteve, mbeturinat inerte janë disa prej çështjeve që i diskutuam. Mbikëqyrje, monitorim dhe llogaridhënie. Këto do të na përcjellin gjatë punës tonë. Ecim bashkë Prishtinës! ❤️