Policia e Kosovës ka arrestuar shtetasin serb, Remzija Bejic, i cili dyshohet për veprat penale “përgatitje vrasje” dhe “prezantim i rremë”.

Insajderi ka kontaktuar Prokurorinë Themelore në Prishtinë, e cila ka konfirmuar arrestimin e Bejicit dhe ka bërë të ditur se hetimi është duke u zhvilluar.

Megjithatë, ata nuk kanë dhënë detaje të tjera lidhur me këtë rast.

“Lidhur me pyetjen tuaj, mund të konfirmojmë se një person është arrestuar për veprat penale “përgatitje e veprës penale “vrasje””, “prezantimi i rremë si person zyrtar” dhe veprës penale “Mashtrimi”, kurse rasti është duke u hetuar nga ana e prokurorit të çështjes dhe për momentin duke marrë parasysh faktin që jemi në fazën e grumbullimit të provave nuk mund të jepen më shumë informata lidhur me këtë rast“, thuhet në përgjigjen e tyre për Insajderin.

Kush është Bejiç dhe si tentoi të mashtronte?

NHP Prishtinë me datë 26.09.2024 ka pranuar informacion se i dyshuari, që sipas burimeve të Insajderit është Remzija Bejic, dhe nga data 03.09.2024 në vazhdimësi ishte duke u prezantuar si zyrtar i lartë në Agjencinë e Kosovës për Inteligjencë (AKI) me qëllim të përfitimit dhe mashtrimit të qytetarëve të Republikës se Kosovës.

Si dhe njëherit i dyshuari Remzija Bejic dyshohet se ka planifikuar vrasjen e një qytetareje të Republikës së Kosovës kinse e njëjta është duke punuar kundër interesave të shtetit të Kosovës.

I dyshuari po ashtu përmes mashtrimit ka tentuar te bëje shitjen e aseteve/ pronave jashtë shtetit të Kosovës konkretisht ne shtetin e Malit te zi.

Pas veprimeve hetimore te ndërmarra në koordinim me Prokurorin e Shtetit dhe AKI-së, sot me datë 05.12.2024 është ndaluar dhe arrestuar i dyshuari Remzija Bejic ne Fushë Kosovë si dhe është bastisur banesa ku janë gjetur dhe sekuestruar dokumentacione të ndryshme në emër te personave tjerë.

Pas intervistimit i dyshuari i rastit Remzija Bejic me aktvendim të Prokurorit të Shtetit Armend Hamiti është ndaluar dhe dërguar në qendrën e mbajtjes.

Insajderi do t’ju mbajë të informuar lidhur me rastin…

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!