Policia e Kosovës ka arrestuar dy persona të dyshuar, për vjedhje dhe armëmbajtje pa leje.

Njërit nga të arrestuarit, A.H 19 vjeçar, dyshohet se është përfshirë në një rast të vjedhjes, që ka ndodhur mbrëmë rreth orës 21:30, në Prishtinë në një dyqan, me ç`rast  kishte vjedhur gjësende në vlerë 144 euro.

Pjesa tjetër e aksionit të policisë ka qenë edhe bastisja e shtëpisë së të dyshuarit në një fshat të Vushtrrisë, me ç’rast është konfiskuar një armë e tipit Ecol special 99.

Policia njofton se në bazë të hetimeve, është zbuluar edhe një të dyshuari tjetër, si i dyshuar për bashkëveprim në kryerjen e veprës.

I dyshuari tjetër është i moshës 24 vjeçare, i cili është arrestuar nga policia pasi që i është gjetur dhe konfiskuar një armë e tipit Ekol special 99.

Të arrestuarit, me vendim të Prokurorit të shtetit,  janë dërguar në qendrën e mbajtjes. Të dytë ngarkohen me veprën mbajtje me pronësi, kontroll ose posedim i paautorizuar i armës.

Ndërsa ndaj të dyshuarit  A.H është ngritur kallëzim penal edhe për vjedhje. /Insajderi.com