Sekretari Organizativ i Lëvizjes Vetëvendosje, Dardan Molliqaj, ka njoftuar se aktivisti i kësaj partie, Nol Nushi, është arrestuar nga Policia e Kosovës.

Sipas Molliqajt, arrestimi i Nushit është bërë për shkak të “aktiviteteve tona publike protestuese në të kaluarën.”

“Ky arrestim politik tregon që përndjekja politike e këtij regjimi nuk po ndalet. Merreni me mend, në kohën kur sovraniteti i Kosovës po cënohet në të gjitha anët nga strukturat kriminale të Serbisë, Qeveria e Kosovës është e preokupuar me hakmarrjen ndaj kundërshtarëve të saj politik”, ka njoftuar Molliqaj përmes llogarisë së tij në Facebook.

“Ky regjim që arreston të rinj e të reja, anipse përditë po vërtetohet pafajësia e tyre në të gjitha rastet, do të bie shumë shpejt. Kosova do të ndryshojë dhe drejtësia do të jetë e pakompromis.”