Policia e Kosovës ka arrestuar një automekanik në fshatin Dobërqan, për shkak se dyshohet të ketë shitur një veturë pa vetëdijen e pronarit të saj.

Siç njofton policia, pronari i veturës e kishte dërguar atë për servisim tek automekaniku në fjalë, raporton Insajderi.

“Është arrestuar i dyshuari mashkull K/Shqiptar-automekanik pasi që i njëjti e kishte shitur veturën e viktimës mashkull K/Shqiptar, të cilën viktima e kishte dërguar te i dyshuari për servisim”, njofton Policia e Kosovës.

Njësitet policore e kanë konfiskuar veturën nga automekaniku dhe ia kanë kthyer atë pronarit legjitim. Policia po ashtu ka bërë të ditur se i dyshuari me urdhër të prokurorit është dërguar në mbajtje. /Insajderi.com