×
  • Lajme
  • Lajme

    Arrestohet gjakovari, i shkaktoi dhunë psiqike bashkëshortes

    Insajderi
    03 March 2024 - 23:41
    Klikoni Këtu për t'u bërë pjesë e kanalit zyrtar të Gazetës Insajderi në Viber.

    Policia e Kosovës ka njoftuar se është arrestuar një person në Gjakovë, për shkak të dhunës psikike ndaj bashkëshortes së tij..

    Sipas Policisë, bashkëshortja e tij kishte paraqitur rastin e dhunë më 1 mars, ndërsa që arrestimi i të dyshuarit ka ndodhur gjatë ditës më 3 mars.

    “Njësitet e nevojshme policore menjëherë kanë filluar me hetimin e rastit. Pas një pune operative dhe hetimore, sot ka rezultuar me lokalizimin dhe arrestimin e të dyshuarit mashkull, shtetas i Republikës së Kosovës, lindur në vitin 1991. Lidhur me rastin e raportuar hetuesit policor, kanë arritur të sigurojnë informacion se i dyshuari, përveç që dyshohej për dhunë në familje, kishte edhe armë në mënyrë të paautorizuar, me ç’rast në posedim të tij janë gjetur dhe sekuestruar dy pushkë ajrore dhe një armë zjarri e shkurtër (pistoletë) me një karikator. Pistoletën dyshohet se e kishte përdorur me rastin e festimit të vitit të ri”, thuhet në komunikatë.

    Me vendim të prokurorit të shtetit, i dyshuari është ndalur në mbajtje si dhe është iniciuar rast “dhunë në familje”, “mbajtje në pronësi, kontroll ose posedim të paautorizuar të armëve” dhe “përdorim i armës apo mjetit të rrezikshëm”.

    OP-ED
    Nga Rubrika
    Botë
    21 April 2024

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark