Një grua është arrestuar gjatë ditës së djeshme në Prizren pasi që nën kërcënimin e pistoletës së plastikës ka kërkuar para nga një punëtor në një barnatore.
Policia e Kosovës ka bërë të ditur se rasti ka ndodhur në Lagjen Arbana rreth orës 19:20, raporton Gazeta Insajderi.
“Lagjja Arbana, Prizren 16.11.2020 – 19:20. Është arrestuar e dyshuara femër kosovare e cila nën kërcënimin e pistoletës (së plastikës) ka kërkuar para nga një punëtore të një barnatoreje. Njësitë relevante policore kanë dalur në vendin e ngjarjes dhe kanë sekuestruar pistoletën”, thuhet në njoftimin e policisë.
Tutje policia ka treguar se: “Në lidhje me rastin është konsultuar prokurori i shtetit me vendim të së cilit e dyshuara dërgohet në mbajte”. /Insajderi.org