Një person është ndaluar sot në Pejë, si i dyshuar për veprën penale mundësim i prostitucionit.

Gazeta Insajderi nga burimet ka mësuar si i arrestuari është Ujkan Lataj.

I njëjti është edhe recidivist.

“Ai është recidivist i shume veprave penale”, kane thëne burime të Insajderit.

Zëdhënësi i Prokurorisë Themelore në Pejë, Shkodran Nikçi, ka konfirmuar për Insajderin arrestimin e një personi.

“Me urdhër të Prokurorit të Shtetit  është ndaluar një person për mundësim në prostitucion dhe njëkohësisht është autorizuar Policia e Kosovës për ndërmarrje të veprimeve të tjera në lidhje me këtë rast”, ka thënë Nikçi.

Në lidhje me rastin ka pasur edhe bastisje.