Policia e ka identifikuar personin që dyshohet se e ka tërhequr një qen zvarrë me veturë ditën e djeshme në Shtime dhe të njëjtin e ka shoqëruar në polici.

Për qenin është dhënë urdhër që të dërgohet për trajtim te veterinari.

Këtë e ka konfirmuar për Insajderin, Kanun Veseli, zëdhënës i policisë për rajonin e Ferizajt.

“Policia e ka identifiku automjetin dhe personin e dyshuar, ngjarja ka ndodhur dje rreth orës 13:30 në rrugën që të çon në fshatin Godanc, personi është shoqëru në stacionin policor në Shtime dhe është duke u intervistuar. Është urdhëru që qeni të dërgohet te veterinari”, tha Veseli për Gazetën Insajderi.