Dy vëllezër nga Komuna e Drenasit janë arrestuar dje nën dyshimin se kanë qëlluar me shufër metalike një person, duke i shkaktuar lëndime të rënda trupore.

Si pasojë e sulmit, viktima është detyruar të kërkojë menjëherë ndihmë mjekësore në Qendrën Klinike Universitare të Kosovës, njofton Policia e Kosovës

Që të dy të dyshuarit janë dërguar në mbajtje.

Gjatë 24 orëve të fundit, policia po ashtu ka njoftuar se janë shënuar 36 aksidente trafiku, ku në nënte prej tyre ka pasur edhe të lënduar./Insajderi