Skuadra e Arsenalit nuk ka hequr dorë nga mesfushori defanziv i Sportingut të Lisbonës, William Carvalho, njofton e përditshmja portugeze ‘A Bola’.

Sipas medieve portugeze disa vëzhgues të Arsenalit kanë qenë të pranishëm në ndeshjen e kësaj fundjave që Sportingu e zhvilloi në udhëtim ndaj Estorilit.

Përveç Arsenalit javë më parë edhe skuadra e Paris Saint German-it kishte dërguar vëzhgues që ta ndiqnin nga afër talentin 23-vjeçar.

Arsenali edhe verën e vitit të kaluar ka qenë e lidhur me një transferim eventual të portugezit, që në Portugali krahasohet me ish-futbollistin francez Patrick Viera. /Insajderi.com