Asociacioni i Komunave ka dorëzuar sot padi kundrejt Ministrisë së Shëndetësisë dhe Ministrisë së Arsimit, Shkencës dhe Teknologjisë.
Drejtori i Asociacionit, Sazan Ibrahimi, tha se si pasojë e kontratave kolektive vlera e dëmit ka kaluar shifrën mbi 35 milionë euro.
Sipas tij, qëllimi i Asociacionit të Komunave është që mjetet të kthehen në buxhet komunal.
“Sot komunat e Republikës së Kosovës do të deponojnë paditë sa i përketë kontratave kolektive ndaj Ministrisë së Arsimit dhe Ministrisë së Shëndetësisë. Vlera e dëmit, në bazë të vlerësimeve nga Asociacioni i Komunave kalon vlerën mbi 35 milionë eurove. Qëllimi i Asociacionit të Komunave është që këto mjete të kthehen në buxhete komunale të gjejnë zbatim në investime kapitale. Sot do të dorëzojmë padinë”, u shpreh ai gjatë konferencës për media.
Ai gjithashtu bëri të ditur se 26 komuna në nivel vendi do të bëjnë dorëzimin e padisë.