×
  • Lajme
  • Insajderi / Insajderi

    Atiqi i VV-së kryen edhe një punë, ndalon punën e ndërtimtarëve në disa objekte në Mitrovicën e Veriut

    Insajderi
    20 July 2023 - 15:31

    Kryetari i Komunës së Mitrovicës së Veriut, Erden Atiq, bëri të ditur se ka ndërprerë punimet në vendpunishtet që kanë nisur ndërtime pa i përfillur procedurat ligjore.

    Ai e njoftoi këtë nëpërmjet ‘Facebook’-ut, teksa shtoi se ndërprerja e punës u bë si shkak i mungesës së dokumentacionit nga ndërtuesit.

    “Drejtoria e Inspekcionit nga komuna e Mitrovicës Veriore ka vizituar vendpunishtet në të cilat kanë filluar ndërtimet e objekteve pa përfillur procedurat ligjore. Në mungesë të dokumentacioneve, janë vendosur shiritat me të cilat ndalohet vazhdimi i punëve deri në plotësimin e kritereve sipas ligjeve të Republikës së Kosovës, ka shkruar Atiq.

    “Inkurajojmë qytetarët, që t’i përfillin rekomandimet e institucioneve dhe për çdo investim të tyre të plotësohen kriteret të cilat parashihen me ligj, në të kundërtën drejtoria e inspekcionit do të veproj konform ligjeve në fuqi”, thuhet tutje në postimin e tij.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark