Avdullah Hoti, deputeti i zgjedhur i Kuvendit të Kosovës, nuk ishte pjesëmarrës në mbledhjen e grupit të ri parlamentar të LDK’së.

Hoti me anë të një shkrimi në ‘Facebook’ ka thënë se ai s’ka arritur të jetë i pranishëm si shkak i angazhimeve akademike, shkruan Insajderi.

“Siç kam njoftuar edhe në organet e partisë, për shkak të angazhimeve akademike nuk kam qenë i pranishëm në mbledhjen e sotme të Grupit Parlamentar. Na priftë e mbara!”, ka thënë Hoti.

Kryetari i këtij subjekti politik, Lumir Abdixhiku, njoftoi se ka zhvilluar takimin e parë me grupin e ri parlamentar të LDK’së.

“Nga takimi i parë i Grupit të ri Parlamentar të Lidhjes Demokratike të Kosovës. Mes deputetëve të rinj e atyre me plot përvojë, mes zërit të 171 mijë votuesve tanë, në rrugëtimin e palëkundur për Lidhjen tonë, për Republikën tonë, për qytetarët tanë”, ka thënë Abdixhiku. /Insajderi.org/