Prokuroria e Specializuar në Hagë ka publikuar emrat e viktimave që pretendohet se ndërlidhen me procesin gjyqësor të krerëve të Ushtrisë Çlirimtare të Kosovës.
Publikimi i këtyre emrave përbën shkelje ligjore të Kodit Penal të Republikës së Kosovës. Këtë kod, Dhomat e Specializuara janë të obliguar që ta respektojnë.
Kështu thotë avokati Skender Musa për Gazetën Insajderi. Ti, tutje shton se publikimi i emrave të tyre ende pa filluar gjykimi është njollosje për emrat e të akuzuarve dhe shkelje ligjore.
Sipas tij, nga ky publikim, krijohet një opinion negative për të akuzuarit sepse ende nuk është vërtetuar se këta janë fajtor.
”Është njollosur emri i tyre. Nuk është veprim i duhur për shkak se krijohet një opinion negative për të akuzuarit edhe pse këto janë pretendime se këta i kanë kryer këto vepra penale mirëpo kjo nuk është vërtetuar se këta janë fajtor. Emrat e viktima kanë mundur të mësohen nga opinioni por përmes procedurave gjyqësore. Ky është një presion publik që po bëhet ndaj të akuzuarve nga Dhomat e Specializuara pasi ata nuk akuzohen se drejtpërdrejt kanë kryer vepra penale të vrasjes. Është një presion public që bëhet në drejtim të mbrojtjes së të akuzuarve”, deklaroi Musa për Insajderin.
Avokati Musa thotë se Prokuroria Speciale në Hagë nuk ka të drejt t’i bëjë publik emrat e viktimave sepse kjo nuk është e përcaktuar me Kodin Penal të Kosovës.
“Nuk kanë të drejt sepse Kodi e përcakton se seancat janë publike por nuk e përcakton se duhet publikohen emrat e palëve para se me fillu procesi gjyqësor. Ata janë të obliguar me zbatu ligjin e Dhomave të Specializuara, Kodri e procedurës Penale të Kosovës, Kodin Penal të Kosovës dhe të Ish-Jogusllavice për ngjarjet që kanë ndodhur në atë periudhë kohore si dhe Konventën Ndërkombëtar që janë për krime të luftës dhe krime kundër njerizimit“, u shpreh ai.
Një praktikë e till gjyqësore nuk ka ndodhur në Kosovë. Avokati Musa e sqaron se si është e përcaktuar sipas legjislacionit në fuqi.
“Në praktiken gjyqësore të Republikës së Kosovës nuk ka ndodhur të praktikohet që të publikohen emrat e viktimave. Nuk ka ndonjë dispozitë që e parasheh të drejtën e gjykatës me i publiku emrat e palëve me procedura duke përfshi këtu edhe palët e dëmtuara e në mënyrë të veçantë viktimat. Në procese gjyqësore parashihet të jetë publike dhe të hapura më përjashtim të rasteve kur ka të bëjë me moralin e përgjithshëm apo ruajte të konfidencialitet”, thotë ai.
Lista me emrat e pretenduara të viktimave nga Prokuroria Speciale e Hagës
Zyra e Prokurorit të Specializuar ka dalë me një version të emrave të viktimave të pretenduara që sipas tyre pretendohen të jenë eliminuar nga ish-krerët e Ushtrisë Çlirimtare të Kosovës.
ZPS pretendon se në korrik të vitit 1998 në fshatin Gllogoc të Drenasit janë vrarë 9 persona, ndërsa edhe 1 person në qershor të 1998.
“Ajet Gashi u ndalua në Llapushnik herët në qershorin e 1998’ës. Ai vazhdimisht është rrahur dhe marrë në pyetje çdo natë, i akuzuar për kollaborator, Pas rreth tetë ditësh, më ose rreth 12 qershorit 1998, Ajet Gashi u nxor dhe u vra në prezencë të Fatmir Limajt. Trupi i tij u mor nga disa anëtarë të UÇK-së dhe më pas u gjet afër Magurës. Më ose rreth 26 korrikut 1998, derisa forcat serbe nisën ofansivë, disa anëtarë të UÇK-së morrën afërsisht 30 të ndaluarit nga Llapushniku në afërsinë e maleve të Berishës dhe i ndanë në dy grupe. Një grup u zgjidhën nga prangat dhe u liruan, të ndaluarit në grupit tjetër u qëlluan dhe u vranë. Trupat e të ndaluarve Emin Emini, Ibush Hamza, Hyzri Hajrizi, Shaban Hoti, Safet Hysenaj, Bashkim Rashiti, Lufti Xhemshiti, Shyqri Zymeri dhe Hasan Hoxha më pastaj u zhvarrosën dhe u rimorën nga malet e Berishës”, shkruhet në aktakuzë, përcjell Insajderi.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
