Qeveria e Kosovës prezantoi sot logon e 15-vjetorit të pavarësisë së Kosovës. Kjo logo ka motive nga ngjyrat e flamurit të Kosovës dhe atij kombëtar.

Prezantimi u bë në një konferencë për media të zëvendëskryeministrit të parë për Integrim Evropian, Zhvillim dhe Dialog, Besnik Bislimi së bashku me ministrin e Kulturës, Rinisë dhe Sportit, Hajrulla Çeku.

Gazeta Insajderi ka kontaktuar Ministrinë e Kulturës në lidhje me identitetin e krijuesit të logove.

“Logot janë të realizuara nga: Albian Gagica”, thuhet shkurt në përgjigjen e Ministrisë për Insajderin.

Gagica ndryshe është i njohur për krijimtarinë e tij në fushën e dizajnit grafik dhe i njëjti është bashkëshort i aktores, Yllka Gashi.

Edhe ai ka konfirmuar punimin e logos së 15 vjetorit dhe asaj të 25 vjetorit të UÇK-së përmes një postimi në facebook.

ndërkaq deri më tani, nuk dihet se çka përfaqësojnb ngjyrat e përdorura në logon e 15 vjetorit.