![](https://insajderi.org/wp-content/themes/insajderi-org/logo/menu-insajderi.png)
Ylli i Real Madridit, Karim Benzema ka reaguar pas eliminimit të mbrëmshëm nga Zvicra në 1/8 e finales dë Kampionatin Evropian, shkruan Insporti.
Pas eliminimit, Benzema tha se është i trishtuar dhe i zhgënjyer me rezultatin e mbrëmshëm, ndërsa falënderoi të gjithë që e përkrahën në këtë rrugëtim.
“Të trishtuar dhe të zhgënjyer me rezultatin e ndeshjes së djeshme. Zhgënjimi është i madh, unë do të doja të vazhdoja t’ju emocionoja për një kohë të gjatë. Faleminderit për mbështetjen tuaj të palëkundur që nga fillimi i ketij Evropiani. Faleminderit për forcën që më ke dhënë çdo ditë. Asgjë nuk është kurrë e lehtë, ne vazhdojmë të luftojmë për t’u përgatitur për të ardhmen dhe të kthehemi edhe më të fortë” – shkroi Benzema në profilin e tij në Facebook.
Ndryshe, Benzema ishte ndër më të mirët në fushë duke shënuar dy gola, por nuk mjaftuan për ta kualifikuar Francën në çerekfinale të Euro 2020.