Një billboard i vendosur në Detroit në gjuhën arabe, ka tallur kandidatin republikan për president të Shteteve të Bashkuara të Amerikës, Donald Trump.

Trump njihet për retorikë të ashpër ndaj emigrantëve myslimanë ndërsa ka premtuar se në rast se zgjidhet president do të ndalojë hyrjen e tyre në ShBA, shkruan The Independent.

Në billboard shkruan: “Donald Trump: Ai nuk mundet ta lexojë këtë, por ai frikësohet nga kjo.”

Përmes këtij mesazhi, ideatorët kanë dashur që të shpërfaqin paragjykimet e Turmp ndaj komunitetit mysliman.

Vendosja e këtij billboardi është bërë publike përmes një komunikate për media, ndërsa është bërë nga një grup që njihet për kundërshti ndaj Trump.

Mesazhi për Trump ka nxitur njerëzit që ta postojnë atë nëpër rrjete sociale./Insajderi.com