Shërbimi Spitalor Klinke Universitar i Kosovës është ‘goditur’ me dorëheqje të njëpasnjëshme brenda 24 orëve të fundit. Arben Bislimi dhe Pranvera Zejnullahu-Raci janë dy personat që hoqën dorën nga pozitat udhëheqëse që kishin në SHSKUK ndërsa Arjanit Jakupi u shkarkuar nga Oda e Farmacistëve, shkruan Gazeta Insajderi.
Klinika e Onkologjisë, ka mbetur pa drejtor që nga dita e djeshme, kjo pasi doktorit Arben Bislimi dha dorëheqje nga pozita ushtruesit së detyrës së drejtorit të kësaj klinike.
Asyeja e dorëheqja u tha të ishte personale, sipas SHSKUK-së.
“Shërbimi Spitalor dhe Klinik Universitar i Kosovës ju konfirmon se për shkaqe personale ka dhënë dorëheqje nga pozita e u.d. drejtorit të Klinikës së Onkologjisë, Dr. Arben Bislimi. Së shpejti pritet të caktohet u.d. drejtori i ri i Klinikës së Onkologjisë”, ka konfirmuar SHSKUK për Insajderin.
Gazeta Insajderi ka kontaktuar Bislimi por i njëjti nuk është përgjigjur.
Pas Bislimit, gjatë ditës së djeshme u shkarkua kryetari i Odës së Farmacistëve të Kosovës, Arianit Jakupi.
Shkarkimi i tij erdhi nga një mocion i mosbesimit që ishte propozuar nga 10 parashtrues të Kuvendit të OFK-së.
Arsyeja që dërgoi në shkarkimin e Jakupit, ishte se ky i fundit kishte shkelur një rregullore.
“Shkarkimi është bërë pas kërkesës së Anëtarëve të Kuvendit të OFK-së për mbajtje të Kuvendit të jashtëzakonshme me pikën e rendit të ditës “mocion mosbesimi sipas neni 20 pika 6 të statutit të OFK-së, për shkelje statutore referuar neneve: 19 pika 3, 19 pika 4, 68 pika 4, 26.6 pika 6.2 dhe pika 6.3.”, thuhet ne mbjedhjen e Kuvendit.
E fundit që dha dorëheqje pas Jakupit, ishte ushtruesja e detyrës së drejtoreshës së Shërbimit Spitalor Klinik Universitar të Kosovës, Pranvera Zejnullahu-Raci.
Dorëheqja e Zejnullahit-Raci ende nuk është konfirmuar zyrtarit nga SHSKUK-ja. Arsyeja që ajo la pozitën e drejtoreshën së ShSKUK-së nuk është bërë e ditur ende.
Ndonëse, para 16 ore Zejnullahu-Raci kishte shpërndarë një këngë të Frank Sinatras.
Në postimi e saj ajo kishte shkruar edhe disa vargje ku thotë se “Unë i mora goditjet dhe e bëra në mënyrën time”.