Këngëtarja me origjinë shqiptare Rita Ora, ka fluturuar drejt Australisë ku do të jetë pjesë e audicioneve të ‘The Voice’.

Pas polemikave të shumta që shkaktoi pak kohë më parë pasi theu rregullat anti-COVID në Britani duke festuar 30-vjetorin e saj në një restorant në Londër me disa të ftuar, duket se Ora tashmë do të jetë konform rregullave.

Mësohet se ajo do të qëndrojë 14 ditë në karantinë, sipas rregullave të fundit të vendosura nga shteti australian, për udhëtarët që hyjnë në vend.

Por sërsih ka tërhequr vëmendjen e mediave pasi janë publikuar disa pamjë nga hoteli ku ajo do të kalojë karantinën, i cili thuhet se vetëm një natë qëndrimi kushton 7 mijë dollarë.