Kryeministrja e Serbisë, Ana Brnabiq ka vazhduar sulmet dhe akuzat e saja në drejtim të ambasadorit të Gjermanisë në Kosovë, Jorn Rohde.
Kësaj radhe, ajo i reagoi diplomatit gjerman, i cili sot e ka mirëpritur vendimin e Komitetit Ministror të Këshillit të Evropës që t’ia përcjellë Asamblesë Parlamentare të Këshillit të Evropës kërkesën për anëtarësimin e Kosovë.
Rohde ndër të tjera ka thënë se ky votim e sjell vendin sërish më pranë familjes evropiane.
Por sipas Brnabiqit, një deklaratë e tillë “është një provë se BE-ja nuk kishte ndërmend ta zbatonte kurrë Marrëveshjen e Brukselit”, ndonëse vetë Rohde kërkon zbatimin e Marrëveshjes së Ohrit dhe formimin e Asociacionit të Komunave me Shumicë serbe.
“Kjo cicërimë nga ambasada e Gjermanisë në Kosovë është një provë se BE-ja nuk kishte ndërmend të zbatonte kurrë Marrëveshjen e Brukselit, të cilën ata e ndërmjetësuan dhe e nënshkruan si garantues të saj. Tani, 10 vjet më vonë, edhe pse Prishtina nuk e zbatoi asnjë fjalë të saj, ata u shpërblyen bujarisht. Askush nuk mund t’i sajonte këto gjëra…”, ka shkruar Brnabiq në Twitter.