Në shtetin Shandong në lindje të Kinës, një person i cili gjykohej për mashtrim telefonik u dënua me burgim të përjetshëm.

Në Gjykatën popullore në qytetin Linji të Shandongut, në lëndën gjyqësore lidhur me mashtrimin telefonik, i cili rezultoi me vdekjen e një të riu, janë dënuar 7 persona nga 3 vite burg deri në burgim të përjetshëm.

Për Çin Vingui i cili u dënua me burgim të përjetshëm për shkak të veprave penale të mashtrimit dhe të shkeljes së të dhënave personale, u mor vendimi për konfiskimin e të gjithë pasurisë dhe ndalimin e përjetshëm nga të drejtat politike.

Ndërkaq, 6 të akuzuarit e tjerë u dënuan me dënime të ndryshme duke filluar nga 3 vite deri në 15 vite burgim, njofton AA.

Studenti universitar Shu Jyjy vitin e kaluar si pasojë e mashtrimit me thirrje telefonike i kishte humbur 9 mijë e 900 juan të cilat i kishte ndarë për pagesa shkollore. Pas kësaj ndodhie zemra i kishte ndalur së rrahuri me çka edhe ka vdekur.

Në Kinë gjatë vitit të kaluar janë arrestuar 19 mijë e 300 persona të akuzuar për mashtrime telefonike.